لما جيت اكتب عن امي . . . . . قولت عنها شايله همي
قولت دي بتجري فى دمي . . . . . قولت ياما حجات كتيره مش جديدة
لما جيت اكتب عن امي . . . . . عجزت قدامي القصيدة
شايله سري كان زمان . . . . . بيني و بينها حبل صُري
اتقطع يوم الولادة . . . . . و اتوصل حبل الواداد
حب متحولش عادة . . . . . من كلام رب العباد
حبها اصلاً عبادة . . . . . فى التعب كانت بتسأل
جيه مؤنث جيه مذكر . . . . . جيه بيضحك جيه مكشر
جيه على الدنيا بسلامة . . . . . وقتها مكنتش بفكر
كنت ببكي و كانت . . . . . بتحضن بابتسامة
وقتها مكنتش بفكر . . . . . ده الضنا جيه من الضنى
لما جيت اكتب عن امي . . . . . لاقتني بكتب عني انا
لما جيت اكتب عن امي عجزت . . . . . قدامي الحروف قام
ال {أ} زعق وقف . . . . . قالي ما تفهم يا ولا
ده أنا مشترك فى . . . . . إسم من لا شريك له
وأول الإسم ال{أ} وأول . . . . . الأم ال{أ} ودي
مش صدفربك بيخلق . . . . . من العدم خلق الألم
وهناََ على وهن . . . . . شالتني لحد ما بلغت الحلم
و ياما بدلع عليها . . . . . و ياما بتمنع عليها
و ياما حوطتني بجنحها . . . . . و ياما دمعت ف عينيها
و من ايديا تاتا تاتا . . . . . و رجلي داست على البلاطة
و داس عليها عجل . . . . . زمنا و كانت بتحضني ببساطة
كبرت فجأة لاقتني . . . . . بزهق من كلمها عن السجاير
عن العيال الي . . . . . مصحبهم على الدراسة
خش ذاكر اجي اتدلع . . . . . تقولي ده انت راجل
ده الي قدك دخلوا . . . . . دنيا بص يا ابني
خلى بالك دى السنين . . . . . زى الكلونيا
تحطها تطير بسرعة . . . . . متلاقيش لهواها ريحة
ده السنين بجحة وصريحة . . . . . امي مبتعرفش تجرح
بس ياما باتت جريحة . . . . . لما جت وقفت قصادي
قلتلي انت امتدادي . . . . . انت نور عيني اللي شبهي
انت دونان عن ولادي . . . . . قالوا عنى انى شبهك
قالو واخد شكل . . . . . شعرك ضعف نظرك
والسنان البايظه منك ياما . . . . . جرحوني يا امي
و بدعاكي جات سليمة هما لما . . . . . يقولوا عني ابن امي
دي شتيمة كملي جميلك يا . . . . . امي وبعد عمر طويل
اوووي روحي للرحمن . . . . . قوليله ان ابني بيحبني اووي
ياما زعلني و سمحته ياما . . . . . زعقلي وكان يكفيني بس
اشم ريحته بس انا وانت . . . . . اللي عالم كنت بدعيله يوماتي
ربنا يهديه يسمحه كان كتير . . . . . يصعب عليا لما اشوف فى
عيونه جرحه مهما يعمل لسه . . . . . ابني اللي كان فى اللفة
خايف مهما ينطق لسه . . . . . سامعه ماما من اصغر شفايف
كملي جميلك ياامي . . . . . وروحى للرحمان قوليله
ابنى بيحبنى اووي . . . . واما جيت اكتب عن امي
برضه كل كلامي عادي
هذه القصيدة بالفيديو على هذا الرابط : اضغط هنا
ولا تنسى ان تشترك بقناة فنون على اليوتيوب
ليصلك كل جديد عن الفيديوهات الفنية :اضغط هنا
ليست هناك تعليقات :
إرسال تعليق